Guestbook

Gästebuch >> Antworten
Eintrag beantworten:
Adminpasswort*
Name: Manni M.K.
Homepagename:
Homepageurl:
Wohnort:
ICQ:
AIM:
YIM:
Skype:
MSN:
Grafik im Beitrag:
Der Eintrag:
Hügg künnt ehr ens jett övver en Kneip lese, die wohl fass all kenne..... Man nannt se och einfach nor "Lommi" .....
Hans Lommerzheim, fröherer Weet vun dä jlichnamije Kneip en Düx, es em Juni 2005 em Alder vun 74 Johr jestorve. Dä stadtbekannte Weet hätt ne Hätzinfark en singem Urlaubsdomizil en Südtirol kräje. Engk 2004 hatt dä sing immer üvverfüllte Kneip en de Siejesstroß endjültich zo jemaaht – zom Leidwese vun vill Stammjäss un Liebhaber vun dem ahle un urije Lokal. Sid 1959 hätt dä „ Lommi „ die Kneip op de räächte, also op de schäl Sigg, met nem strenge Regiment jeführt. Die Kneip wor immer notorisch üvverfüllt un och op en charmante Aat un Wies ziemlich verwahrlost. Dat wor ävver jetz nit nor de Aanlaufstell für de Zecher us em Veedel, do trook et och de rheinische Prominenz immer widder hin. Dat loch zom Eine aan dem do usjeschenkte Päffgen – Kölsch (für Kenner de Champagner unger de Biere) un aan d'r legendäre Koteletts, die em Ömfang un Decke em ovendländische Kulturkreis ehres Jleichen jesöök han. Bes en et
“ wieße Huus“ hatt et sich ald eröm jesproche, als 1999 dä Clinton zom Weltweetschaffsjipfel noh Kölle kom, wollt dä och unbedingk zom Lommi. Us Secherheitsjründ sollt die Kneip aan dem Ovend nor für dä Clinton reserviert sin. Als de CIA un et FBI deswäje mem Lommi jesproche han, hätt de Lommi avjewunke un jesaaht:“ Dann mööht ich jo all ming Stammjäss drusse loße. Nä, dat jeht nit!“ Also bleev die Kneipedüür für dä Clinton zo.
Nu wor dä Lommi och keine sehr jesprächije Jesell. Et hätt Jäss jejovve, die sid 15 Johr do en–un usjinke, ohne dat se ens jemols och nor ein Woot vum Lommi jehoot han. Wenn dä Weet och nor einmol bei nem Erscheine vun nem Jass singe Kopp koot hevve dääht, dann wor dat ald esu jett wie ne Ritterschlaach. Jäje Renovierungsarbeide wor Lommi prinzipiell un dat hatt natürlich och sing Spure en dä Kneip hingerloße. Et jovv esujar Lück, die dat “Lommi“ für en vum Kreech üvverich jeblevendes Trümmerjrundstöck jehalde han, nor weil de Fassad un de Finsterrahme wiggjehend vun Färv verschont woode wore. Enne wor dä Lade met singer adrett jemuurte Backsteinthek un denne Lämpche zwar avjetakelt, ävver durchus nett. Un bei barmherzijer Dunkelheit han och die om Hoff jeläjene Klos vill vun ehrem Jraue verloore.
Wä beim Lommi e Bier bestelle wollt, hatt schon tireck verloore. Dä Weet flanierte (anders kann mer dat nit usdröcke) andauernd met nem Kranz – met vill Kölschjläser drop – durch die Kneip, öm sing Jäss ambulant met Jerstesaff zo versorje. Die Route, die Lommi dobei nohm, wor üvver Johrzehnte fessjelaaht un de Bierversorjung zodeefs demokratisch. Wä dä Lommi nit jrad met ner Bestellung vun nem Jlas Mineralwasser provoziere dääht, dä kunnt et en dä Kneip richtich jot han.
Un wat liert mer us dä Jeschicht, bestell en ner Kneip kei Wasser nicht........
GB-Code:    
Flash Link Ftp Grafik Email Table Tr Td Sup Sub TT Code Zitieren Liste    Hilfe
Fett Kursiv Unterstrichen Strike Glow Shadow Move Pre Left Zentrieren Right Sound 
Ihr Kommentar:*
- HTML Aus
- SGBC An

Mehr Smilies
* Pflicht